Refund policy

Gifts Creator ki har cheez order milne ke baad Multan mein hamare apne production house mein banti hai. Har piece par customer ka apna naam, photo ya matn hota hai, is liye hum aam wapsi ya tabdeeli nahi karte. Is ke badle hum aap ko likhi hui zamanat dete hain.
 
PARCEL SEAL SHUDA HAI — ADAIGI SE PEHLE KHOLNE KI IJAZAT NAHI
 
Courier parcel tabhi khulne deti hai jab us par "Allow to Open" laga ho. Raste mein khula parcel damage ho kar pohanchta tha aur LED light box jaise hissay nikal liye jate the. Aap ka order poora aur sahih salamat pohanche, is liye hamare parcel seal shuda hotay hain. Pehle rider ko adaigi karein, phir parcel kholein.
 
TOOTA YA GHALAT ITEM — 7 DIN KE ANDAR MUFT REPLACEMENT
 
Parcel kholte waqt unboxing video banayein. Agar product toota hua, kharab ya aap ke order se mukhtalif nikle to wohi video 7 din ke andar hamein WhatsApp 0313 6371787 par ya email Support@giftscreator.pk par bhej dein. Hum wo cheez dobara bana kar bilkul muft bhej denge.
 
Unboxing video zaroori hai. Us ke baghair hum ye sabit nahi kar sakte ke nuqsan raste mein hua.
 
3 Month WARRANTY
 
Har product par 3 mahine ki warranty hai. Agar LED ya product 3 mahine ke andar kaam karna chhor de to hum se rabta karein — hum theek kar denge ya badal denge.
 
HAMARE PRODUCTION HOUSE AA SAKTE HAIN
 
Agar replacement kisi wajah se aap tak na pohanche to aap khud Multan mein hamare production house aa kar le ja sakte hain. Aap ka kiraya hum denge. Google Maps par "Gifts Creator" search karein.
 
JO COVER NAHI HOTA
 
- Order banne ke baad iraada badal jana, kyunke har cheez customer ke mutabiq banti hai
- Customer ki taraf se ghalat naam, hijje ya tafseelat bhejna. Hum har order dispatch se pehle phone par confirm karte hain — us call par dhyan se check kar lein
- Delivery ke baad hone wala nuqsan, jaise girna, pani lagna ya ghalat voltage
- Aisa claim jis ke saath unboxing video na ho, ya jo 7 din guzarne ke baad kiya jaye
 

HUM SE RABTA KAREIN

Gifts Creator
WhatsApp / Phone: 0313 6371787
Email: Support@giftscreator.pk
Rabte ka waqt: subah 9 baje se raat 11 baje tak